Bordi Mbikëqyrës i Trepça Sh.A dhe u.d Kryeshefi Ekzekutiv me datën 28.09.2022 priti në takim Zv. Ministrin e Ekonomisë z. Getoar Mjeku. Kryesuesi i Bordit dhe anëtarët e Bordit së bashku me U.d Kryeshefin Ekzekutiv e njoftuan zv. Ministrin e Ekonomisë për punën, angazhimin dhe të arriturat e Ndërmarrjes Trepça Sh.A., si dhe me sfidat që janë duke u ballafaquar.
Në këtë takim u diskutua për gjendjen ekonomike financiare, infrastrukturën e pajisjeve, moshën e vjetër të punëtoreve, problemet me energji, është diskutuar po ashtu për ofertën për pensionim te parakohshëm , planifikimet për punëtorë të ri, mbetjet teknologjike nga e kaluara, si dhe angazhimin e ekspertëve të jashtëm për ristrukturimin dhe organizimit e ndërmarrjes. Ndër të tjera u diskutua edhe për projektet ideore për bartjen e xehes nga miniera e Stantergut ne minierën e Artanës, si dhe projektet për investime në Panele Solare për kursimin e energjisë.